Meet candidates in Town: Friday 1st February, 1-2pm

If you're in Town at lunchtime on Friday, some of the candidates (including me) will be around in King Street (at the apple crusher opposite M&S) and available for informal chat, to answer questions, listen to your views

Mannifeste d'êlection

Né v'chîn eune vèrsion Jèrriaise dé man mannifeste d'êlection:


J'crai qu'nou dait balanchi un envithonnement sain, eune forte êcononmie, et d'l'opporteunité ouèrte tréjous à tous. Tout l'monde, qu'i' d'meuthent en Ville ou à la campangne méthitent d'la qualité d'lus vie.

L'Envithonnement et la pliann'nie

Jé d'vons protégi not' campangne tout en amendant l'envithonnement d'not' Ville. Nou-s'étha à s'en d'menter d'la qualité d'l'air villais. Des boulants êlectriques aîgu'thont dans la rêsolution d'chu problième et ché s'sa d'înstâller assez d'parqu'thies à chèrgéthie hors-c'mîn à seule fîn dé n'pon engaûmer les rues.

La grandeu d'la populâtion dévthait êt' prédîthabl'ye à seule fîn d'pouver plianner êffectivement, souôt'nabliément et justément: pouor lé louogeais, l's êcoles, lé transport, la santé, l'run en pliein air, et d'aut's èrssources et sèrvices.

J'consommons achteu trop d'êlectricité d'èrssources nucléaithes au run d'pouvièrs èrnouvabl'yes coumme les cheins solaithe et d'mathées. J'm'oppose ès dêv'loppements nucléaithes sus la côte vaîthinne.

L'êcononmie

À seule fîn d'asseûther l's îndustries d'finnances, dé tourisme et d'agritchultuthe et d'êcalopper des neuves cliôsées en divèrsifiant not' êcononmie, il est d'mêtchi d'garanti la fiabilité et la vâriêté d'lians rêdgulièrs dé transport: en travaillant acanté la Grand' Tèrre à seule fîn d'faithe la promotion du conmèrce, et en mithant étout Dgèrnésy, lé Rouoyaume Unni, la Brétangne et l'tou du monde.

Il est d'mêtchi d'adapter not' système dé taxe. Châque îndustrie dait payi sa juste châre, qué l'propriêtaithe du dêmnîn sait d'ichîn ou d'hors pays.

Il est d'mêtchi d'favoriser la craîssance dé p'tits dêmnîns d'ichîn en des pus grands tch'en gângnent, auve des projets à pousse-tchu pouor encouothagi les stèrtéthies d'dêmnîns.

L'adminnistrâtion Pârouaîssiale

J'ai prêchi d'pis un long but en faveu d'un corps êlu modèrnîsé, auve un système comprannabl'ye et cliai d'êlection d'membres, tchi pouôrra enfachi les calenges qu'la Pâraisse rencontrétha à l'av'nîn. Eune nouvelle louai définnitha les pouvièrs d'chu corps meunicipa renforchi. Auve lé pouver d'pâsser d's ordres auve la forche dé louai, un pouver d'lédgi par l's Êtats à Saint Hélyi, les r'présentants meunicipaux êlus pouôrront mett' à l'oeuvre les décisions coumme il' espéthent, les résidents et conmèrçants. Les Minnistres dévthaient approuver la stratégie et travailli constructivement acanté la Pâraisse, quandi qu'les Députés dévthaient souôt'nîn la capabilité d'la Pâraisse d'accomplyi êffectivement les décisions d'routinne.

Transport

Nou dévthait pouver marchi et pédaler par nos c'mîns en seûth'té; ch'est d'graie en priorité les routes seûth'tabl'yes ès êcoles. Un sèrvice dé beusse villais dévthait lier les parqu'thies, les marchièrs, les sèrvices dé santé, et les vaîthinnés. Nou-s'a approuvé du dêv'loppement dé d'meuthes dé densité sans assez d'parqu'thie; des parqu'thies l'tou d'la Ville dévaient êt' pliannées à seule fîn d'offri eune balanche dé parqu'thie ès résidents et travailleurs et d'pus vèrts quémîns auve pus d'bouais, d'trottouaithes dé laîze, d'arrêts d'beusse, dé c'mîns à bike, et d'runs à jouer.

Jèrri dans l'monde

L'identité întèrnâtionnale dé Jèrri a 'té à s'êcalopper et êvolueûtha acouo sans tcheindre compte des r'lâtions du Rouoyaume Unni d'auve l'Unnion Ûropéenne. Not' lian auve lé Rouoyaume Unni, fondé sus l'respé et l'avantage mutuel, dévthait êt' amendé par eune èrprésentâtion haûchie dans l'Commonwealth, des r'lâtions conmèrciales autonomes lé tou du monde, d'l'aîgue mithée à l'êtrangi, et l'èrconnaîssance d'l'identité du gouvèrnément d'sé d'Jèrri.

À seule fîn d'faithe entrer en vidgeu les louais pus êffectivement, nou dévthait s'accorder auve la Couronne qu'les louais d'Jèrri tchi n'sont pon contestées saient assentées par l'Lieut'nant-Gouvèrneux.

Êducâtion

L'êducâtion est au tchoeu d'la c'meunauté, mais dait s'mathier auve l'êconomie d'laîze. Nou dévthait faithe sèrvi les facilités scolaithes pouor couoyi l'pus à seule fîn d'sèrvi toute la c'meunauté. L'èrorgannîsâtion minnistéthielle a sparti l'êducâtion d'auve la tchultuthe; tout coumme l'héthitage et l's arts dévthaient êt' au tchoeu d'l'apprendrie pouor souôt'nîn l'êcalopp'thie d'nos îndustries graierêsses.

Email problems

Problems resolved. Email back to normal

Election manifesto

I believe in a balance of healthy environment, strong economy, and everyday opportunity. Everyone, whether living in Town or countryside, deserves quality of life.

Environment & planning

We must protect our countryside while improving our Town environment. Urban air quality must be tackled. Electric vehicles will be part of the solution: sufficient off-street park & charge infrastructure will avoid cluttering streets.

There must be predictability of population to plan effectively, sustainably and fairly: for housing, schools, transport, health, open space, and other resources and services.

We currently consume too much electricity from nuclear sources, instead of renewables such as solar and tidal. I oppose nuclear developments on our neighbouring coast.

Economy

To secure finance, tourism and agriculture and develop new sectors as we diversify our economy, we need reliable, regular and diverse transport links: working with mainland Normandy to promote trade, as well as looking to Guernsey, the UK, Brittany, and global links.

Our tax system must adapt. Each business sector should pay a fair share, whether locally-owned or not.

Policies should favour the growth of small local businesses into successful larger ones, with incubator schemes to encourage innovative start-ups.

Local government

I have long campaigned for a modernised elected body, with a clear and understandable system of electing members, to take on the challenges the Parish will face in decades to come. New legislation will define the powers of this enhanced municipal body. With by-law making powers delegated by the States to Saint Helier, elected municipal representatives will be able to implement decisions that residents and businesses expect. Ministers should set strategy and work constructively with the Parish, while Deputies should support the Parish's capability to put routine decisions into effect.

Transport

Our streets and roads must be safe to walk and cycle around; long-awaited safe routes to schools must be a priority. A Town bus service should link car parks, the markets, health care, and residential areas. Approval has been granted to dense residential development with too little car parking; peripheral car parks should be planned to provide a balance of parking, for both residents and commuters, and greener streets with more trees, pavements, bus stops, cycle routes, and play zones.

Global Jersey

Jersey's international identity has been developing and will further evolve regardless of the UK's relationship with the EU. Our link with the UK, based on mutual advantage and respect, should be enhanced by a higher status in the Commonwealth, autonomous global trading relationships, targeted overseas aid, and international recognition of Jersey's self-governing identity.

To bring legislation into effect more efficiently, it should be agreed with the Crown that Jersey laws of an uncontroversial nature may be assented to by the Lieutenant-Governor.

Education

Education is integral to the community, but must develop contacts to the wider economy. School facilities should be used most cost-efficiently to serve the whole community. Ministerial reorganisation has split education from culture; however heritage and arts should be at the heart of learning to support the development of our creative industries.